ஸ்ரீநகர்: இந்தியாவிற்குள் ஊடுருவ முயன்ற போது, பாகிஸ்தான் எல்லை பாதுகாப்புபடை வீரர்கள் 5 பேர் சுட்டு கொல்லப்பட்டனர். அவர்களின் உடல்களை எடுத்து செல்ல வேண்டுமானால், பாக்., ராணுவம் வெள்ளைக்கொடியுடன் வர வேண்டும் என இந்தியா ராணுவம் நிபந்தனை விதித்துள்ளது. இது குறித்து பாகிஸ்தான் இதுவரை பதிலளிக்கவில்லை.
காஷ்மீர் மாநிலம் கெரான் செ்டார் பகுதியில், பாகிஸ்தான் எல்லை பாதுகாப்பு படை வீரர்கள் ஊடுருவ முயன்றனர். அவர்களை திரும்பி செல்லும்படி, இந்திய ராணுவம் எச்சரிக்கை விடுத்தது. இதனை அவர்கள் கண்டுகொள்ளாததால், இந்திய ராணுவம் சுட்டதில், பாகிஸ்தான் வீரர்கள் 5 பேர் சுட்டு கொல்லப்பட்டனர். இந்திய ராணுவ வீரர்கள், தவறுதலாக, இந்திய எல்லையை தாண்டினால், அவர்களை கொன்று, உடலை சிதைப்பதை பாகிஸ்தான் வழக்கமாக வைத்துள்ளது.
இந்நிலையில், சுட்டுகொல்லப்பட்ட வீரர்கள் 5 பேரின் உடல்களை எடுத்து செல்ல வேண்டும் என்றால், பாகிஸ்தான் ராணுவத்தினர் வெள்ளைக்கொடியுடன் வர வேண்டும் என இந்திய ராணுவம் நிபந்தனை விதித்துள்ளது.
இது தொடர்பாக ராணுவ வட்டாரங்கள் கூறுகையில் ; பயங்கரவாத நடவடிக்கைகளுக்கு பாகிஸ்தான் ராணுவம் உடந்தையாக இருந்து வருகிறது தெளிவாக இருந்தது. எல்லை கட்டுப்பாட்டு கோட்டு பகுதியில், பயங்கரவாதிகளின் நடவடிக்கைகளுக்கு உரிய பதிலடி கொடுக்கப்படும். இவவ்வாறு தெரிவிக்கப்பட்டுள்ளது.
Comments