சி.பி.ஐ.விசாரணைக்கு ஒத்துழைக்க நிரவ் மோடி மறுப்பு

புதுடில்லி: வங்கி கடனை இப்போதைக்கு திருப்பி செலுத்த இயலாது என நிரவ் மோடி கடிதம் மூலம் தெரிவித்துள்ளார்.

ரூ. 11 ஆயிரம் கோடி வங்கி மோசடி வழக்கில் வைர நகை வியாபாரி நிரவ் மோடி மீது சி.பி.ஐ. , அமலாக்கத்துறை வழக்குப்பதிவு செய்துள்ளது. வெளிநாடு தப்பியோடிவிட்டார். இந்நிலையில் பஞ்சாப் நேஷனல் வங்கிக்கு நிரவ் மோடி எழுதியுள்ள கடிதம் வருமாறு:எனது வியாபாரம் முடங்கிவிட்டதால் இப்போதைக்கு பணத்தை திருப்பி தர முடியாது. இவ்வாறு அதில் குறிப்பிட்டுள்ளார்.

இதே போன்று பல நாடுகளில் வேலை உள்ளதால் இந்தியா திரும்ப முடியாது சி.பி.ஐ. விசாரணைக்கு தாம் ஒத்துழைக்க முடியாது எனவும் கடிதம் அனுப்பியுள்ளதாக தகவல்கள் வெளியாகியுள்ளன.