திமுக தொண்டர்களை சந்தித்தார் கலைஞர்

சென்னை : பொங்கலை முன்னிட்டு திமுக தலைவர் கலைஞர், இன்று (ஜனவரி 14) கட்சி தொண்டர்களை சந்தித்தார். 

ஒவ்வொரு ஆண்டும் பொங்கல் திருநாளில் கட்சி தொண்டர்களை சந்தித்து, ரூ.10 வழங்குவது கலைஞரின் வழக்கம். உடல் நலக்குறைவு காரணமாக கடந்த ஆண்டு அவர் தொண்டர்களை சந்திக்கவில்லை. இந்நிலையில் டாக்டர்களின் ஆலோசனைக்கு பிறகு, இன்று தொண்டர்களை சந்திக்க உள்ள தாக அறிவிக்கப்பட்டது. கலைஞர்க்கு பூங்கொத்து கொடுப்பதை தவிர்க்க வேண்டும் என அறிவுறுத்தப்பட்டது.

இதன்படி இன்று காலை கோபாலபுரம் இல்லத்தில் தொண்டர்களை சந்தித்தார். அவருக்கு வாழ்த்துகளை தெரிவித்த தொண்டர்கள், ஆசியும் பெற்றனர். நீண்ட நாட்களுக்கு கலைஞரை சந்திப்பதால், ஏராளமான தொண்டர்கள் அவரது வீட்டு வாசலில் குவிந்தனர்.