தேனியில் ஓ.பி.எஸ்., கார் மீது கல்வீச்சு

தினமலர் செய்தி : தேனி: பெரியகுளம் நோக்கி சென்று கொண்டிருந்த முன்னாள் முதல்வர் ஓ.பி.எஸ்., கார் மீது கல்வீசப்பட்டது. இதனால் பரபரப்பு ஏற்பட்டது.அதிமுக வின் மற்றொரு அணியாக செயல்பட்டு வரும் ஓ.பி.எஸ்., இன்று தேனி மாவட்டம் வந்தார். ஆண்டிப்பட்டியில் பல்வேறு நிகழ்ச்சிகளில் பங்கேற்று பின்னர் அவர் தேனி நோக்கி காரில் தனது ஆதரவாளர்களுடன் சென்று கொண்டிருந்தார். 

இந்நேரத்தில் அரைப்படி தேவன்பட்டி கிராமம் வந்தபோது, மர்ம நபர்கள் சிலர் ஓ.பி.எஸ்., கார் மீது கற்களை வீசி விட்டு தப்பினர். கார் முன்பக்கம் லேசான சேதம் ஏற்பட்டது. கல்வீசியவர்கள் யார் என போலீசார் தேடி வருகின்றனர்.