பா.ஜ., கூட்டணி எப்படி? ஆய்வு செய்ய அ.தி.மு.க., உத்தரவு

'லோக்சபா தேர்தலில், தமிழகத்தில் உள்ள கம்யூனிஸ்ட் கட்சிகளால், ஓட்டு சதவீதம் பெரிய அளவில் உயராது' என்ற உளவுத் துறையின் அறிக்கை, ஆளுங்கட்சி மேலிடத்திற்கு அனுப்பப்பட்டுள்ளது. இதனால், அ.தி.மு.க., கூட்டணியில், கடைசி நேரத்தில் மாற்றம் வரலாம். தி.மு.க., தலைமையிலான கூட்டணியில், காங்கிரஸ் - தே.மு.தி.க., கட்சிகள் இடம் பெற்றால், அ.தி.மு.க., அணியில் பா.ஜ., - ம.தி.மு.க., கட்சிகள் இடம் பெறும் என்ற பேச்சு, அடிப்படுகிறது.

அ.தி.மு.க., - பா.ஜ., கூட்டணி அமைந்தால், தேர்தல் முடிவு எப்படி இருக்கும் என, ஆய்வு செய்து அறிக்கை தரும்படி, மும்பையில் உள்ள தனியார் நிறுவனம் மூலம், சர்வே எடுக்க, ஆளுங்கட்சி உத்தரவிட்டுள்ளது. சர்வே பணி வேகமாக நடந்து வருவதாக, கட்சி வட்டாரங்கள் தெரிவிக்கின்றன.