டாப் செல்போன் நிறுவன பட்டியலில் ஏர்டெல்லுக்கு 4-வது இடம்...பி.எஸ்.என்.எல்.லுக்கு 20!

டெல்லி: உலக அளவில் அதிக வாடிக்கையாளர்களைக் கொண்ட டாப் செல்போன் நிறுவனங்களின் பட்டியலில் இந்தியாவின் பார்தி ஏர்டெல்லுக்கு 4 வது இடம் கிடைத்திருக்கிறது!

உலக அளவில் சீனா மொபைல் தொடர்ந்தும் முதலிடத்தில் இருந்து வருகிறது. மொத்தம் 683.08 மில்லியன் வாடிக்கையாளர்களைக் கொண்டிருக்கிறது இந்த நிறுவனம். 2வது இடத்தில் வோடஃபோன் நிறுவனம் 386.88 மில்லியன் வாடிக்கையாளர்களையும்

3-வது இடத்தில் அமெரிக்காவின் மொவில் குழுமம் 251.83 மில்லியன் வாடிக்கையாளர்களையும் கொண்டிருக்கிறது. பார்தி ஏர்டெல் 250 மில்லியன் வாடிக்கையாளர்களைக் கொண்டு 4-வது இடத்தைப் பிடித்திருக்கிறது! இந்தத் தகவல்களை ஒயர்லெஸ் இண்டெலிஜென்ஸ் நிறுவனம் வெளியிட்டிருக்கிறது.

இதர இந்திய மொபைல் நிறுவனங்களான ரிலையன்ஸ் 8-வதுஇடத்திலும் ஐடியா செல்லுலார் நிறுவனம் 14-வது இடத்திலும் பொதுத்துறை நிறுவனமான பி.எஸ்.என்.எல்.20வது இடத்திலும் இருக்கிறது.